ئەمڕۆ ترەمپ سەردانی رۆژهەڵاتی ناوەڕاست دەکات

SNN-

ئەمڕۆ سێشەممە، دۆناڵد ترەمپ سەرۆکی ئەمەریکا سەردانی رۆژهەڵاتی ناوەراست دەکات و بڕیارە سەردانی هەریەکە لە وڵاتانی، سعودییە، قەتەر و ئیمارات بکات، ئەوەش یەکەم گەشتی دەرەوەی وڵاتەکەیەتی دوای گەڕانەوەی بۆ کۆشکی سپی.

پرسی ئاسایشی ناوچەکە، بەرگری و هاوکاری ئابوری، لە نێو کارنامەی دانوستانەکانی ترەمپن لەگەڵ سەرکردایەتی سعودییە و سەرکردەکانی کەنداودا، واشنتۆن هەوڵدەدات پەیوەندییە ستراتیژییەکانی خۆی لەگەڵ وڵاتانی کەنداو بەهێز بکات، لەژێر رۆشنایی گۆڕانکاریە نێودەوڵەتییەکان.

سعودیە، خوازیارە سەردانە فەرمییەکەی ترەمپ بۆ وڵاتەکەی، ببێتەهۆی پەرەپێدانی هاوبەشی ستراتیژی نێوان هەردو وڵات لە بوارە جیاجیاکاندا

هاوکات دۆناڵد ترەمپ، سەرۆکی ئەمریکا سەردانەکەی ئەمڕۆی بۆ سعودییە و دواتر ئیمارات و قەتەر بە سەردانێکی مێژوویی وەسف کرد.

وەزارەتی دەرەوەی ئەمریکاش لەبارەی سەردانەکەی سەرۆکی ئەمریکا رایگەیاند، سەرۆک ترەمپ یەکەم سەردانی خۆی دەکات لە دوای دەستبەکاربوونی پۆستی سەرۆکایەتیی ئەمریکا لە 13 تا 16ی ئایار، لەنێویاندا بۆ سعوودییە، قەتەر و ئیماراتی یەکگرتووی عەرەبی.