حکومەتی هەریم نرخی کارەبای 24 کاتژمێری دیاریدەکات

SNN-

ئەمڕۆ چوارشەممە، 14ی ئایاری 2025، ئەنجومەنی وەزیرانی هەرێمی كوردستان کۆدەبێتەوە و نرخی کارەبای 24 کاتژمێری دیاریدەکات.

بە گوێرەی کارنامەی کۆبوونەوەکە لە بڕگەی یەکەمی کۆبوونەوەی ئەنجومەنی وەزیراندا لەبارەی ڕەشنووسی بڕیاری ئەنجومەنی وەزیران سەبارەت بە پرۆژەی “ڕووناکی” بۆ دابینکردن و دەستەبەرکردنی خزمەتگوزاریی کارەبای 24 کاتژمێری بۆ هاوبەشانی تۆڕەکانی کارەبای نیشتمانی بەشێوەیەکی فراوان و بەردەوام، ڕێگرتن لە بەفیڕۆدان و هاوسەنگی لە دابەشکردن، پاراستنی ژینگە و تەندروستیی گشتی گفتوگۆ دەكرێ.

هەروەها تەوەرێکی دیکەی کۆبوونەوەکە لەبارەی ئامادەکردنی ڕاپۆرتی هاوبەشی دیوانی چاودێری دارایی عێراق و هەرێمەو راسپاردەکان قسەو گفتوگۆیان لەبارەوە دەکرێت.