دوای ئەحمەد شەرع، سەرۆکی وڵاتێکی دیکەش بەشداری لوتکەی عەرەبی لە بەغدا ناکات

SNN-

رۆژنامەی ‘ئەللیوا’ـی لوبنانی رایگەیاند، “ڕۆژی هەینی، نەواف سەلام، سەرۆک وەزیران و وەزیری دەرەوەی لوبنان بە سەرۆکایەتی شاندێک ڕۆژی هەینی سەردانی عێراق دەکەن، بۆ بەشداریکردن لە لوتکەی عەرەبی کە بڕیارە ڕۆژی شەممە، 17ی ئایار لە بەغدا بەڕێوە بچێت.”

ئاماژەی بەوەشکراوە، جۆزێف عۆن بەهۆی سەردانەکەی بۆ ڕۆما بەشداری لوتکەی عەرەبی ناکات، چونکە بڕیارە ڕۆژی یەکشەممە 18ی ئایار، بەشداری لە ئاهەنگی دەستبەکاربوونی پاپای نوێی ڤاتیکان لیۆی چواردەم بکات.

باس لەوەشکراوە، “جۆزێف عۆن، پێشتر بەشداری لە لوتکەی بەپەلەی عەرەبی ئەم دواییەی قاهیرە کردبوو، بەڵام هیچ پرسێکی نوێی بەرچاو سەریهەڵنەدا کە پێویستی بە بەشداریکردنی هەبێت لە لوتکەی بەغدا، بۆیە لەگەڵ سەلام ڕێککەوتووە کە نوێنەرایەتی لوبنان بکات لە لوتکەکەدا.”

ئەمەش لە کاقتێکدایە، ئەوەش لە کاتێکدایە، عێراق لە رابردوودا سێجار میوانداریی لوتکەی عەرەبیی کردووە، کە میوانداریەکان لە ساڵانی، 1978، 1990، 2012، لوتکەی ئەمساڵیش 34مینی وڵاتانی عەرەبییە، کە عێراق میوانداریی دەکات.