پەیکەرە بڕۆنزییەکەی میلانیا هاوسەری ترەمپ دزرا

SNN

پۆلیسی سلۆڤینیا، دەستیکردوە بە لێکۆڵینەوە لەسەر دیارنەمانی پەیکەرێکی برۆنزی میلانیا ترەمپ، خانمی یەکەمی ئەمەریکا کە لەساڵی 2020 و لەکاتی خولی یەکەمی سەرۆکایەتی ترەمپ بۆ ئەو خانمە دروستکرابوو.

بەگوێرەی زانیارییەکانی سکای نیوز، پەیکەرەکە لە شوێنی پەیکەرێکی دار دانرابو، کە لە ساڵی 2020 بەهۆی کەوتنەوەی ئاگرێکەوە لەناوچووە، کە لەو ساڵەدا دۆناڵد ترەمپ سەرۆکی ئەمریکا بووە.

ئەلینکا درینیک، وتەبێژی پۆلیسی ناوچەکە بە رۆژنامەنوسانی راگەیاندووە، رۆژی سێشەممەی رابردوو لە دزینی پەیکەرەکە ئاگادارکراونەتەوە و لێکۆڵینەوەکانیان بۆ دۆزینەوەی دەستپێکردووە.

پەیکەرەکە لە نزیک شاری سێڤنیکا لەناوەڕاستی سلۆڤینیا دانراوە کە شوێنی لەدایکبونی میلانیا ترەمپە، هاوکات پەیکەرەکە پێش ئەوەی بدزرێت لە قاچییەوە بڕاوەتەوە و دواتر دزیویانە.