نوێترین زانیاری لەبارەی دابەشكردنی مووچەی مانگی پێنج پێش جەژنی قوربان

SNN-عەلی حەمە سەعید
بەرپرسێكی وەزارەتی دارایی و ئابوری حكومەتی هەرێم ئاماژە بەوەدەكات تا كۆتایی بە دابەشكردنی مووچەی مانگی چوار نەیەت ناتواندرێت میزان موراجەعەی مانگی چوار و لیستی مووچە و هاوكات داهاتی نانەوتیش ڕەوانەی بەغدا بكرێت، بەڵام ئەگەر حكومەتی عێراق مەبەستی بێت دەواتێن پێش جەژن پارە بنێرێت.

بەگوێرەی ئەو زانیارییانەی كە لە بەرپرسێكی وەزارەتی دارایی و ئابوری حكومەتی هەرێم بە SNNدراون ئەوە خراوەتەڕوو، بەگوێرەی ئەو لیستەی بلاوكراوەتەوە بۆ دابەشكردنی مووچەی مانگی چوار، 18ی مانگ كۆتایی بە دابەشكردنی مووچە دێت، هاوكات لە دوای 20 ی مانگیشەوە عێراق دەستدەكات بەدابەشكردنی مووچەی وەزارەتەكانی خۆی، بەڵام تا دابەشكردنی مووچەی مانگی چوار كۆتایی نەیەت ناتواندرێت میزان موراجەعە ئامادەبكرێت و ڕەوانەی بەغدا بكرێت.

ئاماژەی بەوەشكرد، پێش ئەوەی بەغدا پارەی مووچەی فەرمانبەرانی هەرێم ڕەوانە بكات، پێویستە لیستی مووچە و میزان موراجەعە و هەروەها داهاتی نانەوتیش ڕەوانەی بەغدا كرابێتەوە، بەلام تا ئەمڕۆ نە داهات رەوانە كراوە نەلیستی مووچە و نە میزان موراجەعەش، بۆیە دەبێت لەهەفتەی ئەم بابەتانە یەكلای بكرێنەوە.

ئەو بەرپرسەی وەزارەتی دارایی هەرێم ئەوەشی خستەڕوو، ئەگەر حكومەتی عێراقی مەبەستی هەبێت دەتوانێت بەخێرایی و پێش جەژنی قوربان پارەی فەرمانبەرانی هەرێم بنێرێت پێش ئەوەی بابەتی لیستی مووچە و داهاتی نانەوتی و میزان موراجەعە یەكیلای بكرێنەوە، بۆیە لە هەفتەی داهاتووەوە ئەو پرسە یەكلای دەبێتەوە.