ئەمڕۆ کۆتایی بە دابەشکردنی مووچەی مانگی چوار دێت

SNN-

بەپێی ئەو خشتەیەی وەزارەتی دارایی و ئابوری حکومەتی هەرێمی کوردستان بڵاویکردووەتەوە ئەمڕۆ یەکشەممە بە دابەشکردنی مووچەی 12 وەزارەت و بەڕێوەبەرایەتی و سەرۆکایەتییەکان کۆتایی بە دابەشکردنی مووچەی مانگی چوار دێت.

بە پێی خشتەکە ئەمڕۆ مووچەی وەزارەتەکانی (کاروکاروباری کۆمەڵایەتی، رۆشنبیری و لاوان، کارەبا، ئەوقاف و کاروباری ئاینی. خوێندنی باڵاو توێژینەوەی زانستی) دابەشدەکرێت.

هەروەها مووچەی (سەرۆکایەتی پەرلەمان، ئەنجووومەنی وەزیران، سەرۆکایەتی هەرێم، پێشمەرگە (دیوان-لیواکان)، یەکەی 70 و 80. بەڕێوەبەرایەتی پۆلیسی دامودەزگا نەوتییەکان، ئەنجوومەنی ئاسایش و دەزگای ئاسایش و هێزی زێرەڤانی و فەرماندەی بەرگری و فریاکەوتن) دابەشدەکرێت.

ڕۆژی چوارشەممەی ڕابردوو وەزارەتی دارایی و ئابووری هەرێم دەستی بە دابەشکردنی مووچەی مانگی چوار کرد .