گەڕی پێنجەمی دانوستانەکانی ئێران و ئەمریکا کۆتایی هات و هەندێك پێشكەوتن هەیە

SNN

خولی پێنجەمی دانوستانە ناڕاستەوخۆكانی ئێران و ئەمریكا لە رۆمای پایتەختی ئیتاڵیا كۆتایهات و بەگوێرەی وتەی وەزیری دەرەوەی عومانیش كە نێوەندگیری دانوستانەكەیە، هەندێك پێشكەوتن هەبوو.

ئەمڕۆ هەینی 23ـی ئایاری 2025، میدیای فەرمی ئێران رایگەیاند، خولی پێنجەمی دانوستانە ناڕاستەوخۆكانی نێوان ئێران و ئەمریكا كە لە رۆما كۆتایهات.

وتیشی، لە خولە نوێیەدا گفتوگۆ لەبارەی سزا نوێكان و بابەتە دژ بەیەكەكانی ئەمریكا كراوە.

هاوکات، بەوتەی بەدر بوسەعیدی، وەزیری دەرەوەی عومان، گفتوگۆكان پێشكەوتنی باشیان بەخۆوە بینیوە، بەڵام نەگەشتونەتە ئەنجامی كۆتایی.

ئەوەشی خستەڕوو، هیوادارن لە رۆژانی داهاتودا ئەو بابەتانەی كە ناڕونن، رونبكرێنەوە و بەرەو رێككەوتن هەنگاو بنێنین.