کۆمسیۆن: سبەینێ پرۆسەی وەرگرتنی ناوی کاندیدەکان بۆ هەڵبژاردن دەستپێدەکات

SNN-

کۆمسیۆنی باڵای سەربەخۆی هەڵبژاردنەکانی عێراق: لە سبەینێوە یەکشەممە 25-5-2025, ناوی کاندیدەکان بۆ بەشداریکردن لە هەڵبژاردن تۆمار دەکرێت و بۆ ماوەی یەک مانگ ناوی کاندیدی لیستەکان و کاندیدە تاکە کەسییەکان تۆمار دەکرێت

کۆمسیۆنی هەڵبژاردنەکانی عێراق بڵاویکردووەتەوە: لە سبەینێ 25ـی ئایارەوە، پڕۆسەی وەرگرتنی ناوی کاندیدەکان بۆ هەڵبژاردنی پەرلەمانی عێراق دەستپێدەکات.

دەشڵێت: وەرگرتنی لیستی ناوی کاندیدەکان بۆ هەڵبژاردن، بۆ ماوەی مانگێك بەردەوام دەبێت و لە 24ـی حوزەیران کۆتایی پێدێت.

بڕیارە 11ـی تشرینی دووەمی ئەمساڵ هەڵبژاردنی ئەنجومەنی نوێنەرانی عێراق بەڕێوەبچێت