لەبارەی کەوتنە خوارەوەی فڕۆکەیەکی حاجیان روونکردنەوە دەدرێت

SNN
دوای ئەوەی لە تۆڕە کۆمەڵایەتییەکان گرتە ڤیدیۆی کەوتنە خوارەوەی فڕۆکەیەک بڵاوبووەتەوە، کە حاجیانی مۆریتانیای هەڵگرتووە و لەدوای کەوتنی فڕۆکەکە بۆ ناو دەریای سور هەموو حاجییەکان گیانیانلەدەستداوە، حکومەتی مۆریتانیا ئەو هەواڵە رەتدەکاتەوە.

ئاژانسی دەنگوباسی مۆریتانی لەزاری بەرپرسانی باڵاى ئه‌و وڵاته‌وه‌ بڵاویكردوه‌ته‌وه‌، دەنگۆی كەوتنەخوارەوەی فڕۆكەیەكی مۆریتانیا كە حاجییانی دەگواستەوە بۆ وڵاتی سعودییە، دورە لەڕاستییەوە.

ئاماژەی بەوەکردووە، ئەو ڤیدیۆیانەی لەوبارەیەوە بڵاوبوونەتەوە ناڕاستن و سەرجەم حاجییانی مۆریتانیا بەسەلامەتی گەیشتونەتە سعودییە و هیچ ڕوداوێكی نەخوازراوی فڕۆكەش ڕوینەداوە.

ئەوەخراوەتە روو، حاجییانی مۆریتانیا بەسێ فڕۆكە لەڕۆژانی 23و 24و 25ی ئەم مانگە بەرەو سعودییە بەڕێكەوتون‌و هەموویان سەلامەتن، لە ئێستاشدا سەرجەم حاجییان ئامادەكاریی دەكەن بۆ دەستپێكردنی مەراسیمەكانی حەج.

هاوکات، بڕیارە لەڕۆژانی 12و 13و 14ی مانگی داهاتوو حاجییان بگەڕێنەوە وڵات دوای تەواوكردنی فەریزەی حەج.