ئەمڕۆ ئەنجوومەنی وەزیران تاوتوێ سەردانەکەی مەسرور بارزانی دەکات بۆ ئەمریکا

ئەنجومەنی وەزیرانی هەرێم کۆدەبێتەوە و تاووتوێی سەردانەکەی مەسرور بارزانی، بۆ ئەمریکا دەکات کە سەردانەکەی تایبەت بووە بە ئیمزاکردنی گرێبەستەکانی وزە.

ئەمڕۆ چوارشەممە، ئەنجومەنی وەزیرانی هەرێمی کوردستان بە سەرپەرشتی مەسرور بارزانی، سەرۆک وەزیران و ئامادەبوونی قوباد تاڵەبانی، جێگری سەرۆک وەزیران کۆبوونەوەی ئەنجومەنی وەزیرانی هەرێم بەڕێوەدەچێت، تیایدا تاوتوێ سەردانەکەی سەرۆکوەزیرانی هەرێم دەکرێت بۆ ئەمریکا.

پێشتریش پێشەوا هەورامانی، وتەبێژی حکومەتی هەرێمی کوردستان ئاشکرایکردبوو، لە کۆبوونەوەکەدا مەسرور بارزانی، سەرۆک وەزیرانی هەرێم باسی دەرئەنجامی سەردانەکەی بۆ ئەمریکا و واژۆکردنی گرێبەستەکان دەکات.

سەردانەکەی مەسرور بارزانی بۆ ئەمریکا و ئەنجامدانی دوو گرێبەستی وزە کاردانەوەی بەرپرسانی عێراقی لێکەوتووەتەوە و حکومەتی عێراق لەسەر ئەو گرێبەستانە سکاڵای یاسایی لەسەر هەرێم تۆمارکردووە، هاوکات ئەمریکا پشتیوانی خۆی بۆ گرێبەستەکانی هەرێم و کۆمپانیا ئەمریکییەکان دەربڕی و دوپاتی لە کوردستانێکی بەهێز کردووەتەوە.