فۆڕمی خۆراکی ئەلیکترۆنی
SNN-عەلی حەمە سەعید
دوای ئەوەی مانگی رابردوو ئەپلیکەیشنی تایبەت بەنوێکردنەوەی فۆڕمی خۆراک لە پارێزگای هەڵەبجە کاراکرا، ئەمشەویش هەمان ئەو سیتەمە بۆ هەردوو پارێزگای سلێمانی وهەولێریش کاراکرا.
نەوزاد شێخ كامیل، بەڕێوەبەری گشتی بازرگانی لە وەزارەتی بازرگانی و پیشەسازی حكومەتی هەرێم بە SNNی راگەیاند: ئەو ئەپلیکەیشنەی کە تایبەتە بە نوێکردنەوەی فۆڕمی خۆراکی هاووڵاتیان بەشێوەی ئەلیکترۆنی لە ئێستادا بۆهەردوو پارێزگای سلێمانی و هەولێریش کاراکراوە، ئەوەش دوای ئەوەی مانگی ڕابردوو لەهەڵەبجە کاراکرا.
ئاماژەی بەوەشكرد، لەقۆناغی یەکەمدا تەنها نوێکردنەوەی زانیارییەکان تۆماردەکرێن و لەقۆناغی دووەمیشدا هاووڵاتیان دەتوانن سەرجەم مامەڵەكانی تۆماركردنی منداڵی تازە لەدایك بوو، هەروەها گواستنەوەی فۆڕمی خۆراك لە پارێزگایەك بۆ پارێزگایەكی دیكە و لە شارێكەوە بۆ شاریكی دیكە ئەنجام بدەن.
