نرخی کارەبای موەلیدە بۆ مانگی پێنج دیاریکرا

SNN

بەڕێوەبەرایەتی گشتیی کارەبای سلێمانی نرخی کارەبای موەلیدەی بۆ مانگی پێنج دیاریکرد و رایگەیاند، نرخەکان لە نێوان حەوت هەزار و 500 بۆ هەشت هەزار و 500دا دەبێت.

ئه‌مڕۆ سێشە‌ممه‌ 3حوزەیران بەڕێوەبەرایەتی گشتیی کارەبای سلێمانی رایگەیاند، لیژنەی دیاریكردنی نرخی موه‌لیده‌ ئه‌هلییه‌كان کۆبووەوە و به‌پێی نرخی سوته‌مه‌نی له‌ بازاڕه‌كاندا نرخی هه‌ر كاتژمێرێك کارەبای موەلیدە بۆ یه‌ك ئه‌مپێر (41) دینارە،‌ به‌مه‌ش نرخی یه‌ك ئه‌مپێر كاره‌بای موه‌لیده‌ی ئه‌هلی گه‌ڕه‌كه‌كان له‌ ناوشاری سلێمانی له‌نێوان (7500) بۆ (8500) دیناره‌، بەو پێیەى موەلیدەکان لە نێوان (155 بۆ 179) کاتژمێر کاریان کردووە، بەڵام هەندیك فیدەر موەلیدەكانیان زیاتر كاریان كردووە، پارەكانیان زیاتره‌.

سەبات بەو موەلیدانەی كە دەكەونە سنوری پرۆژەی رووناكی و كۆتایی مانگی رابردوو بوون بە بیست و چوار كاتژمێری ئاشکرایکردووە، پێویستە پارەی موەلیدەكانیان پاكتاو بكەن، چونكە چیتر موەلیدەكانیان كارناكەن.

هاوکات، خشته‌ی كارپێكردنی موه‌لیده‌ش بۆ مانگى (6) بیست و چوار كاتژمێری دەبێت، هەر كاتێك كارەبای نشتیمانی كوژایەوە ئەوان كاردەكەن.