کەشناسی عێراق: لەچەند رۆژی داهاتوودا پلەکانی گەرما لەسەرتاسەری وڵات بەرزدەبنەوە و باران دەبارێت

SNN-

دەستەی کەشناسی عێراق رایگەیاند، لەچەند رۆژی داهاتوودا پلەکانی گەرما لەسەرتاسەری وڵات بەرزدەبنەوە.

ئەمڕۆ شەممە دەستەی کەشناسی عێراق لە بەیاننامەیەکدا رایگەیاند، ئەمڕۆ کەشوهەوا لە سەرتاسەری وڵات گەرم دەبێت، هەروەها پێشبینی بارانبارین و زیادبونی خێرایی با دەکرێت.

ئاماژەی بەوەشکردووە، بەراورد بە دوێنێ پلەکانی گەرما یــەک تا دوو پلە بەرزدەبنەوە، هەروەها لە کاتەکانی دوانیوەڕۆ زیاتر بەرزدەبێتەوە.

هەروەها، سبەینێ یەکشەممە پلەکانی گەرما زیاتر بەرزدەبنەوە، رۆژی دوشەممەش ئەگەری بارانبارینی کەم لە ناوچە شاخاوییەکان هەیە، پلەکانی گەرما زیاتر بەرزدەبنەوە.