SNNوادەی دابەشكردنی هاوكاری هاوپەیمانان بۆ لیوهاوبەشەكان ئاشكرا دەكات
مووچە
SNN-عەلی حەمەسەعید
بەرپرسێكی وەزارەتی دارایی هەرێم ئاشكرایدەكات كە ئەمڕۆ سێ شەممە هاوكاری هێزەكانی هاوپەیمانان بۆ لیواهاوبەشەكانی پێشمەرگە خراوەتە سەر هەژماری وەزارەتی پێشمەرگە و ڕۆژی پێنجشەممە دەستبەدابەشكردنی دەكرێت.
بەگوێرەی ئەو زانیارییانەی كە لە بەرپرسێكی وەزارەتی دارایی هەرێم بە SNNدراون ئەوەخراوەتەڕوو، ئەمڕۆ سێ شەممە هاوكاری دارایی هێزەكانی هاوپەیمانان خراوەتە سەر ژمارە حسابی سەر بە وەزارەتی پێشمەرگە.
ئاماژەی بەوەشكرد، سبەی چوارشەممە دەستدەكرێت بە پێدانی چەكی هاوكارییەكە بە بانكەكان، بۆ ئەوەی لە ڕۆژی پێنجشەممە پێشمەرگە و ئەفسەرانی سەر بە لیواهاوبەشەكان بتوانن سەردانی بانكەكان بكەن بۆ وەرگرتنی بڕی هاوكارییەكە و هاوكات ئەوانەشی مووچەكانیان لەسەر هەژماری من دەخرێتە سەر حسابەكانیان.
ئەو بەرپرسەی وەزارەتی دارایی ئەوەشی خستەڕوو، بری هاوكاری هاوپەیمانان بۆ لیواهاوبەشەكان بڕێكی نەگۆڕەو مانگانە نزیكی 25 ملیار دینارە و مانگانە دابەشدەكرێت بەسەر كۆی ئەو پێشمەرگە و ئەفسەرانەی كە دەخرێنە سەر لیواهاوبەشەكان، بۆمانگی ڕابردووش هەر پێشمەرگەیەك بڕی 214 هەزار دیناری وەك هاوكاری پێدرا، بەڵام دیار نییە بۆ ئەم مانگە بڕەكەی دەبێتە چەند.
