پزیشکیان: لە بەرهەمهێنانی وزەی ئەتۆم بەردەوام دەبین

SNN

مەسعود پزیشکیان سەرۆکی ئێران رایگەیاند، ئەم شەڕە ئێمە دەستمان پێ نەکردووە و نیازیشمان نییە پەرە بە چەکی ئەتۆمی بدەین.

ئەمڕۆ دووشەممە 16ی حوزەیران، مەسعود پزیشکیان سەرۆککۆماری ئێران لە وتارێکیدا رایگەیاند، ئەمریکا رێگە بە ئیسرائیل دەدات بۆ هێرشکردنە سەر وڵاتەکەمان.

ئاماژەی بەوەکردووە، “لە کوشتن و تیرۆر ناترسین و هەوڵمان بۆ جەنگ نەداوە و ئێمە دەستمان پێنەکرد”.

وتیشی: “هیچ نیازێکمان نییە بۆ پەرەپێدانى چەکى ئەتۆمى و دەمانەوێت سوود لە وزەى ئەتۆم وەربگرین و کەس ئەم مافەمان لێزەوت ناکات”.

هەر لە وتاردەکەدا ئاشکرایکرد، “ئێمە نەبووین کە وازمان لە دانوستانەکان هێنا، ئەوەى داواى دەکەین مافى یاسایی خۆمانە و ئێستا هێزەکانمان رووبەڕووى ترسنۆکەکان دەبنەوە”.