“پێویسته ژیانی هاوڵاتیانی ئێران و ئیسرائیل بپارێزرێت”

SNN-

فەرەنسا داوای ئاگربەستی جەنگی نێوان ئیران و ئیسرائیل دەکات.

ئیمانویل ماکرۆن، سەرۆکی فەرەنسا رایگەیاند، ئاگربەستمان دەوێت و دەبێت بگەڕێینەوە بۆ دانوستانەکان لەسەر بەرنامە ئەتۆمییەکەی ئێران.

ماکرۆن ئاماژەی بەوەشکردووە، هاوپەیمانە ئەوروپییەکان ئامادەن لە حاڵەتی ئاگربەستدا لەگەڵ ئێران بەشداری دانوستاندنێکی جددی ئەتۆمی بکەن

سەرۆکی فەرەنسا، جەختیشی کردەوە، “پێویسته ژیانی هاوڵاتیان له ئێران و ئیسرائیل بپارێزرێت.”

ئەمەش لە کاتێکدایە، دوای ئەوەی ئێران و ئیسرائیل چوونەتە ناو شەڕێکی راستەوخۆی سەربازییەوە، دۆخەکە بە خێرایی لە پەرەسەندندایە و کاردانەوەی جیهانیی فراوانی لێکەوتووەتەوە.