ئاژانسی هەواڵی تەسنیم: دەیان مووشەکمان ئاراستەی تەلئەبیب کرد

SNN-

ئاژانسی هەواڵی تەسنیم رایگەیاند، کەمێک لەمەوبەر دەیان مووشەکی ئێران ئاراستەی ناوچە داگیرکراوەکان و تەلئەبیب کران.

ئاژانسەکە لە هەواڵێکدا ئاماژەی بەوەشکردووە، جگە لەو چەند مووشەکەی ئاراستە کراون، کەمێکی دیکە چەندین مووشەکی دیکەش بۆ ئیسرائیل دەنێرن.

میدیاکانی ئێران باس لەوەدەکەن، بەهۆی کۆنترۆڵی توندی میدیاکانەوە لە ئیسرائیل زۆر ئەستەمە وێنەی ساتەوەختی گەیشتنی مووشەکەکان بڵاوبکرێتەوە.

ئەمەش لە کاتێکدایە، شەڕی ئێران و ئیسرائیل پێی ناوەتە رۆژی پێنجەمەوە و هەردوولا هێرش دەکەنە سەر یەکتر و چوونەتە ناو شەڕێکی راستەوخۆی سەربازییەوە، دۆخەکە بە خێرایی لە پەرەسەندندایە و کاردانەوەی جیهانیی فراوانی لێکەوتووەتەوە.