پەرلەمانی عێراق لەسەر پێشێلكردنی سەروەری خاكی عێراق کۆدەبێتەوە

SNN-

كۆبوونەوەی نائاسایی پەرلەمانی عێراق ئەمڕۆ بەڕێوەدەچێت، ئامانجی كۆبوونەوەكەش بۆ تاوتوێكردنی هێرشەكانی ئیسرائیلە بۆ سەر ئێران و پێشێلکردنی سەروەری خاکی عێراق.

ئەمڕۆ سێشەممە، بەپێی ڕاگەیەندراوێکی پەرلەمانی عێراق، كۆبوونەوەی نائاسایی پەرلەمانی عێراق بەڕێوە دەچێت و كۆبوونەوەكەش دوایی نیوەڕۆ دەستپێدەکات.

بەپێی كارنامەی ئەو كۆبوونەوە نائاساییەی بڵاوكراوەتەوە، كارنامەی كۆبوونەوەكە بریتییە لە یەك بڕگە، ئەویش تاوتوێكردنی هێرشی ئیسرائیل بۆ سەر ئێران و بەزاندنی سەروەریی عێراقە لەلایەن ئیسرائیل بۆ هێرشكردنەسەر ئێران.

ئەمەش لە کاتێکدایە، شەڕی ئێران و ئیسرائیل پێی ناوەتە رۆژی پێنجەمەوە و هەردوولا هێرش دەکەنە سەر یەکتر و چوونەتە ناو شەڕێکی راستەوخۆی سەربازییەوە، دۆخەکە بە خێرایی لە پەرەسەندندایە و کاردانەوەی جیهانیی فراوانی لێکەوتووەتەوە.