پەرلەمانتارێکی عێراق: هێزی بەرگری ئاسمانی عێراق ناتوانێت تەنانەت كۆترێك بخاتە خوارەوە

SNN-

ئەندامێكی لیژنەی ئاسایش و بەرگری لە پەرلەمانی عێراق رایگەیاند: سەرەڕای تەرخانكردنی زیاتر (20) ملیار دۆلار بۆ كڕینی سیستمی بەرگری ئاسمانی هێزی بەرگری ئاسمانی عێراق ناتوانێت تەنانەت كۆترێك بخاتە خوارەوە

محەمەد رومەیسی، ئەندامی لیژنەی ئاسایش و بەرگری لە پەرلەمانی عێراق، رەخنەی توندی لە ئەدای سیستەمی بەرگری ئاسمانی عێراق دەگرێت و لە لێدوانێكدا بۆ كەناڵی ” العهد” رایگەیاند: سەرەڕای تەرخانکردنی (30) ترلیۆن دینار لە ماوەی ئەم (10) ساڵەی دوایدا، ناتوانێت تەنانەت کۆترێکیش لە ئاسمانی عێراق بخاتە خوارەوە.

رومەیسی دەشڵێت:”عێراق بەدەست پێشێلکارییە دووبارەکانی ئاسمانی وڵاتەکەیەوە دەناڵێنێت، دیارترینیان تورکیایە، كە سەرپێچیەكانی کە 25 هەزار جاری تێپەڕاندووە و عێراق پێویستی بە پێداچونەوەی جدی هەیە بە سیستەمی بەرگری و چالاککردنی رێکارەکانی پاراستنی ئاسمانی”.

ئاماژەی بەوەشکردووە کە هێزی بەرگری ئاسمانی عێراق ناتوانێ کۆترێک لە ئاسماندا بخاتە خوارەوە، لەكاتێكدا لە ماوەی دە ساڵی رابردوودا (30) ترلیۆن دینار بۆ کڕینی سیستەمی بەرگری ئاسمانی تەرخانکراوە.