دادگای فیدراڵی كۆبوونەوەكەی ئەمڕۆی دواخست و هیچ بڕیارێكی لەبارەی مووچەوە نەدا
مووچە بودجە
SNN-عەلی حەمە سەعید
هەرچەندە وابڕیاربوو ئەمڕۆ دادگای باڵای فیدراڵی كۆببێتەوە و بڕیار لەسەر دەركردنی ئەمری وەلائی بدات بۆ ڕاگرتنی بڕیارەكەی وەزارەتی دارایی، بەلام بەهۆی تەواو نەبوونی ڕێژەی یاسایی ئەو كۆبوونەوەیە دواخرا
د. بڕیار ڕەشید، ئەندامی ئەنجومەنی نوێنەرانی عێراق بەSNNی ڕاگەیاند: كۆبوونەوەكەی ئەمڕۆی دادگای باڵای فیدراڵی بۆ دەركردنی ئەمری وەلائی بۆ ڕاگرتنی بڕیارەكەی وەزارەتی دارایی عێراق دواخرا.
ئاماژەی بەوەشكرد، هۆكاری دواخستنەكە بۆ تەواو نەبوونی ڕێژەی یاسایی ئەندامانی دادگا دەگەڕێتەوە.
ئەو ئەندامەی ئەنجومەنی نوێنەرانی عێراق ئەوەشی خستەڕوو، دانیشتنەكەی دادگای باڵای قیدراڵی دەكەوێتە هەفتەی داهاتوو، بەڵام هێشتا ڕۆژەكەی دیاری نەكراوە.
