کۆریای باکوور هەڵوێستی خۆی لەبارەی هێڕشکردنە سەر ئێران لە لایەن ئەمریکاوە راگەیاند

SNN-

کۆریای باکوور سەرکۆنەی هێرشەکانی ئەمریکا بۆ سەر ئێران دەکات و دەڵێت: پێشێلکارییەکی گەورەی پەیماننامەی نەتەوە یەکگرتووەکانە و ئسرائیلیش هۆکاری گرژی و ئاڵۆزییەکانی رۆژهەڵاتی ناوەڕاستە.

لە راگەیەندراوێکی ئاژانسی هەواڵی فەرمیی وڵاتەکەدا کە لە زاری وتەبێژێکی وەزارەتی دەرەوە بڵاویکردووەتەوە دەڵێت:”کۆماری دیموکراتی گەلی کۆریا بە تووندی سەرکۆنەی هێرشی ئەمریکا بۆ سەر ئێران دەکات، کە بە شێوەیەکی گەورە پەیماننامەی نەتەوە یەکگرتووەکان و رێزگرتن لە سەروەریی پێشێل کردووە.”

لە راگەیەندراوەکەی وەزارەتی دەرەوەی ئەو وڵاتەدا هۆکاری گرژییەکانی رۆژهەڵاتی نێوەڕاست خراوەتە ئەستۆی ئیسرائیل.

ئەوە لە کاتێکدایە ئێران و کۆریای باکور پەیوەندییەکی مێژوویی هەیە لەنێوانیاندا بە تایبەت لە بواری سەربازی و تەکنەلۆژیدا ، هەروەها هەردوو وڵاتیش بەهۆی بەرنامە ئەتۆمی و مووشەکییەکانیانەوە رووبەڕووی سزای قورسی نێودەوڵەتی بوونەتەوە.