ئەحمەد شەرع بەڕێژەی 200% مووچەی فەرمانبەرانی زیاد كرد

SNN-

ئەحمەد شەرع سەرۆكی قۆناغی راگوزەری سوریا مەرسومێكی دەركرد بۆ زیادكردنی مووچەی فەرمانبەرانی دەوڵەت بەڕێژەی 200%.

زیادكردنی مووچە بەگوێرەی مەرسومەكە، كارمەندانی شارستانی و سەربازیی لە وەزارەت و بەڕێوەبەرایەتی و دامەزراوە گشتییەكان دەگرێتەوە، لەگەڵ كارمەندانی كۆمپانیا و دامەزراوەكانی كەرتی گشتیی و یەكە كارگێڕییەكان و، كەرتی هاوبەش ئەوانەی كە رێژەی پشكداریی دەوڵەت تێیاندا 50%ی سەرمایەكەیەتی.

زیادكردنی مووچە لە سوریا سەرجەم توێژە كاتیی و رۆژانەكانیش دەگرێتەوە، لەوانە بریكارەكان و ئەوانەی بە گرێبەستی كاتیی و وەرزی كاردەكەن، لەگەڵ چەند چین و توێژێكی تردا.

بڕیارەكەی سەرۆكی سوریا لەچوارچێوەی رێكارەكانی حكومەتدایە بۆ باشكردنی دۆخی بژێوی هاووڵاتییان لەو دۆخە ئابورییەی كە ئێستا هەیە.

ئەوە لە کاتێکدایە کە 23 رۆژ لە مانگی شەش تێپەڕێوە تاوەکو ئێستا فەرمانبەرانی هەرێمی کوردستان مووچەی مانگی پێنج و شەشیان وەرنەگرتووە