جومانە غەلای، وتەبێژی كۆمسیۆنی باڵای سەربەخۆی هەڵبژاردنەكانی عێراق | فۆتۆ: كۆمسیۆن
SNN-عەلی حەمە سەعید
وتەبێژی كۆمسیۆنی باڵای سەربەخۆی هەڵبژاردنەكانی عێراق ئاشكرایدەكات كە ئەنجومەنی كۆمسیاران رەزامەندیدا بە درێژكردنەوەی وادەی وەرگرتنی ناوی كاندیدانی هەڵبژاردن تا بەرواری 26ی ئەم مانگە و وادەكەش لەوە زیاتر درێژ ناكرێتەوە.
جمانە غەلای، وتەبێژی كۆمسیۆنی بالای سەربەخۆی هەڵبژاردنەكانی عێراق بە SNNی راگەیاند، ئەنجومەنی كۆمیسیارانی سەر بە كۆمیسیۆنی بالای سەربەخۆی هەڵبژاردنەكانی عێراق ئەمڕۆ دوو شەممە بڕیاریدا بە درێژكردنەوەی وادەی وەرگرتنی ناوی كاندیدانی هەڵبژاردن تا كۆتایی دەوامی ڕۆژی 26-6-2025.
ئاماژەی بەوەشكرد، ئەوە دوا وادەیە بۆ وەرگرتنی ناوی كاندیدەكانی هەڵبژاردن و ئەو وادەیەش جارێكی دیكە درێژ ناكرێتەوە.
ئەوەش لەكاتێكدایە كە وابڕیارە لە 11-11-2025 هەڵبژاردنی پەرلەمانی عێراق بەڕێوەبچێت.
