کاتی تەواوبوونی قۆناغی یەکەمی شەقامی 100مەتری سلێمانی راگەیەندرا

SNN-

سه‌رپه‌رشتیاری پرۆژه‌ی ئۆتۆبانی بابانی سلێمانی رایگەیاند کە لە سەرەتای ئەلوولی 2026دا قۆناغی یەکەمی شه‌قامی 100 مه‌تری ته‌واو ده‌كرێت.

ئاسۆ جه‌زا، سه‌رپه‌رشتیاری پرۆژه‌ی ئۆتۆبانی بابان بە ڕادیی هاتووچۆی سلێمانی ڕاگەیاند، قۆناغی یه‌كه‌می پرۆژه‌ی شه‌قامی 100 مەتری كه‌ ناسراوه‌ به‌ (ئۆتۆبانی بابان) له‌ رۆژی 9-9-2026 ته‌واو ده‌كرێت.

دەشڵێت:”له ‌كیلۆمه‌تری دووه‌مه‌وه‌ له‌ناوچه‌ی تاسڵوجه‌وه‌ شه‌قامه‌كه‌ دوو چین قیرتاوكراوه‌ و ئێستا دانیشتوانی گونده‌كانی سنوره‌كه‌ سودی لێوه‌رده‌گرن، بڕیاره‌ تا كۆتایی ئه‌مساڵ چینی سێیه‌می قیر تاوه‌كو كیلۆمه‌تری 23 كۆتایی بێت و به‌ته‌واوی ئه‌و به‌شه‌ی شه‌قامه‌كه‌ بكرێته‌وه‌”.

ئاسۆ جه‌زا جه‌ختیشیكرده‌وه‌:” شه‌قامه‌كه‌ به ‌كوالێتیه‌كی به‌رز دروستده‌كرێت كه‌ تاوه‌كو ساڵی داهاتوو كێشه‌ی هاتووچۆ له‌و به‌شه‌ی شاری سلێمانی چاره‌سه‌ر ده‌كات”.