هەفتەی داهاتوو وەفدێكی حكومەتی فیدراڵ و هەرێمی كوردستان سەبارەت بە مووچە لە هەولێر كۆدەبنەوە
مووچە بودجە
SNN-
ئێوارەی دوێنێ شاندێکی تەکنیکی حکومەتی عێراق گەیشتە هەولێر و بەپێی زانیارییەکان ئامانجی سەردانی شاندەکە گفتوگۆکردنە لەبارەی مووچە و هەناردەکردنەوەی نەوت.
چاوەڕواندەكرێت سەرەتایی هەفتەی داهاتوو كۆبوونەوەی وەفدی حكومەتی فیدراڵ و حكومەتی هەرێمی كوردستان سەبارەت بە گرفتەكانی بەردەم مووچەی مووچەخۆرانی هەرێم و پرسی دووبارە هەناردەكردنەوەی نەوتی هەرێمی كوردستان دەستپێبكات.
هەر بەپێێ زانیارییەکان، شاندەکە لەسەر ئاستی باڵایە و لە نوێنەرانی نووسینگەی سەرۆک وەزیران، وەزارەتەکانی دارایی، نەوتی عێراق و کۆمپانیای سۆمۆ پێک دێت.
ئەمەش لە کاتێکدایە سەرەڕای ئەوەی تا ئێستا هیچ بڕە پارەیەک بۆ دابینکردنی مووچەی مانگی پێنجی مووچەخۆرانی هەرێمی کوردستان خەرجنەکراوە و زیاتر لە 40 رۆژە مووچە خۆران مووچەیان وەرنەگرتووە، بەڵام وەزارەتی دارایی و ئابووری هەرێم لیستی مووچەی مانگی شەشی بۆ بەغداد ناردووە، بۆ ئەوەی لەگەڵ چارەسەربوونی کێشەکە پارەی ئەو مانگانە خەرج بکرێت.
