دوو رۆژ پشووی فەرمی لە مانگی حەوتدا هەیە

SNN

بەپێی رۆژمێری رەسمی حکومەتی هەرێم بۆ ساڵی 2025، مانگی حەوت دوو رۆژ پشووی تێدایە.

یەکەم پشووی رەسمی مانگی حەوت لە رۆژی 5ی مانگەکەدا دەبێت بەبۆنەی رۆژی عاشوراوە، بەڵام بەر رۆژی شەممە دەکەوێت، کە ئەو رۆژە هەر خۆی دەوامی رەسمی لە ناوەندە حکومییەکان و بەشێکی ناوەندە تایبەتەکاندا نییە.

دووەم پشووی رەسمیش لە رۆژی 14ی مانگ، دووشەممەدا دەبێت بەبۆنەی یادی شۆڕشی 14ی تەمموزی ساڵی 1958.

شۆڕشی 14ی تەمموزی ساڵی 1958 ئەو شۆڕشە بوو کە تیایدا کۆتایی بە حوکمی پاشایەتی هێنرا لە عیراقدا.