ئاسایشی هەولێر: تەقەکەرەکانی شەوی ڕابردووی هەولێر دەستگیرکران

SNN-

بەڕێوەبەرایەتی ئاسایشی هەولێر رایگەیاند،  ئەو کەسانەیان دەستگیرکردووە کە  شەوی رابردوو لەسەر کێشەی زەوی و زار ببووە شەڕیان.

لە ڕوونکردنەوەیەکدا، بەڕێوەبەرایەتی ئاسایشی هەولێر بڵاویکردەوە کە، بەهۆی دروست بوونی کێشە و شەڕە تەقە لە نێوان دانیشتوانی دوو گوندی سنوری قەزای خەبات ، لەسەر زەوی و زار و دیاریکردنی سنووری گوندەکانیان ڕوویداوە، سێ تۆمەتبار دەستگیر کران.

دەشڵێت: ئەو تۆمەتبارانە کە بەشداربون لە کێشەکە و چەکیان بەکار هێناوە ، بەفەرمانی  دادوەری لێکۆڵینەوەی ئاسایشی هەولێر لەلایەن هێزەکانمانەوە دەستگیر کران.