ئەگەر تاران دەست بە هەوڵەکانی چەکی ئەتۆمی بکاتەوە هێرش دەکەینەوە

SNN

ڕۆژنامەی وۆڵ ستریت جۆرناڵ بڵاویكرده‌وه‌، بنیامین نه‌ته‌نیاهۆ، سەرۆکوەزیرانی ئیسرائیل لە سەردانەکەی ئەم دواییەیدا بۆ کۆشکی سپی، دۆناڵد ترەمپ سەرۆکی ئەمریکای ئاگادار کردوه‌تەوە کە تەلئەبیب هێرشی سەربازی بۆ سەر ئێران دەستپێدەکات، ئەگەر دەست بە هەوڵە ئەتۆمییەکانی بکاتەوە.

ڕۆژنامەی وۆڵ ستریت جۆرناڵ بە پشتبەستن بە بەرپرسانی ئەمریکی و ئیسرائیل ئاشکرای کرد، تره‌مپ دڵنیایی داوەتە نه‌ته‌نیاهۆ کە ئەو یەکلاییکردنەوەی دیپلۆماسی لەگەڵ تاران پێ باشترە، بەڵام دژایەتی پلانی ئیسرائیل ناکات.

ڕۆژنامەکە لە زاری بەرپرسێکی ئیسرائیلییەوە ڕایگەیاندووە، تەلئەبیب بە پشتبەستن بە جددیەتی هەوڵەکانی ئێران بۆ زیندوکردنەوەی بەرنامە ئەتۆمییەکەی بڕیارەکەی دەدات، جەختیشی لەوە کردەوە کە مەرج نییە تەلئەبیب داوای ڕەزامەندی ئاشکرای ئەمریکا بکات بۆ دەستپێکردنەوەی هێرشەکانی دژی تاران.