لەگەڵ دابەشكردنی مووچەی مانگی پێنج، زیاتر لە پێنج هەزارخانەنشین پێنج مووچەپێكەوە وەردەگرن

SNN-عەلی حەمە سەعید

وتەبێژی یەكێتی خانەنشینانی كوردستان ئاماژە بەوەدەكات، كاركردن لە تەواوكردنی مامەڵەی خانەنشینان بەردەوامی هەیە، زۆرینەی ئەو فەرمانبەرانەی لەسەرەتای ئەمساڵەوە خانەنین بوون تا ئێستا هیچ مووچەیەكیان وەرنەگرتووە، بەڵام لەگەڵ مووچەی مانگی پێنج زیاتر لە پێنج هەزار خانەنیشن پێنج مووچە پێكەوە وەردەگرن.

سادق شێخ عوسمان، وتەبێژی یەكێتی خانەنشینانی كوردستان، بە SNNی ڕاگەیاند: ئەو فەرمانبەرانەی كە بەهۆی جێبەجێكردنی یاسای خانەنیشنی یەكگرتووی عێراق لەسەرەتای ئەمساڵەوە خانەنشین بوون تا ئێستا مووچەیان وەرنەگرتووە، بەڵام لەگەڵ دابەشكردنی مووچەی مانگی پێنج، ئەوا پێنج هەزار و 261 خانەنشین مووچەی مانگەكانی یەك، دوو، سێ، چوار، پێنج و پێكەوە وەردەگرن.

ئاماژەی بەوەشكرد، بۆ دابەشكردنی مووچەی مانگی شەش، ژمارەكە بەرز دەبێتەوە، بەجۆرێك لەگەڵ دابەشكردنی مووچەی مانگی شەش ئەوا نزیكەی نۆ هەزار خانەنیشنی دیكە پێكەوە شەش مووچە وەردەگرن دوو مووچەش بێت شەش مووچە پێكەوە وەردەگرن، هاوكات بۆ مانگی حەوتیش مامەڵەی زیاتر لە دوو هەزار خانەنیشنی دیكەش تەواو بووە.

بەهۆی جێبەجێكردنی یاسای خانەنشینی یەكگرتووی عێراق، لەسەرەتای ئەمساڵەوە لەدایك بووانی سێ‌ ساڵ كە تەمەنیان گەیشتبوویە سەرو 60 ساڵ پێكەوە خانەنشین بوون كە ژمارەیان زیاد لە 20 هەزار فەرمانبەر دەبوون، تا ئێستا نیوە زیاتریان یان مامەڵەكانیان تەواو كراوە.