ئەمڕۆ تەیف سامی لە ئەنجومەنی نوێنەران دەبێت و رووبەڕووی سێ دۆسیە دەبێتەوە
تەیف سامی، وەزیری دارایی عێراق | فۆتۆ: Iraq Gov
SNN-
” دۆسییەکان پەیوەندییان بە ژیان و گوزەرانی هاوڵاتییانەوە هەیە”
ئەمڕۆ تەیف سامی، وەزیری دارایی عێراق دەچێتە ئەنجومەنی نوێنەران و رووبەڕووی سێ دۆسیە دەبێتەوە.
بەپێی نووسراوێک کە واژووی عەتوان عەتوانی، سەرۆکی لیژنەی دارایی ئەنجومەنی نوێنەرانی عێراقی لەسەرە، ئەمڕۆ تەیف سامی لە ئەنجومەنی نوێنەران دەبێت و بەشداریی کۆبوونەوەی لیژنەکە دەکات و لەبارەی سێ دۆسیەوە.
ئاماژە بەوەکراوە، دۆسییەکان پەیوەندییان بە ژیان و گوزەرانی هاوڵاتییان و داهاتووی ئابوریی عێراقەوە هەیە، تێیدا پرسیار ئاراستەی تەیف سامی دەکرێت.
هەربەپێی نووسراوەکە، دۆسیەکان بریتین لە (هەڵسەنگاندنی بەرنامەی کاری حکومی، جێبەجێکردنی بودجە و چاودێریکردنی، ئامادەکردنی خشتەی بودجەی ساڵی 2025).
