ئەمڕۆ پەرلەمانی عێراق کۆبوونەوەی نائاسایی ئەنجام دەدات

SNN

ئەمڕۆ پەرلەمانی عێراق کۆبوونەوەی نائاسایی لەبارەی هێرشە درۆنییەکانی سەر کێڵگە نەوتییەکانی سەر هەرێمی کوردستان ئەنجام دەدات.

بەگوێرەی کارنامەی پەرلەمانی عێراق، ئەمڕۆ کاتژمێر 1ی دوا نیوەڕۆ کۆبوونەوەی نائاسایی خۆی ئەنجام دەدات، نوسینگەی راگەیاندنی پەرلەمانی عێراق کارنامەی کۆبوونەوەکەی بڵاوکردووەتەوە.

کارنامەکە لە دوو تەوەر پێکهاتووە کە پەرلەمانی عێراق لە دانیشتنی ئەمڕۆیدا تاوتوێی دەکات، تەوەری سەرەکی کۆبوونەوەکە هێرشە درۆنییەکانی سەر کێڵگە نەوتییەکانی هەرێمی کوردستانە.

هاوکات، تەوەری دووەمی کۆبوونەوەکە لەبارەی ئەنجامی لێکۆڵینەوەی ئاگرکەوتنەوەکەی مارکێتی هایبەرە لە کوت کە بەهۆیەوە نزیکەی 70 کەس گیانیانلەدەستداوە.