وەزارەتی دارایی هەرێمی کوردستان: 120 ملیار دینارمان بۆ وەزارەتی دارایی عێراق نارد
مووچە بودجە
SNN-
وەزارەتی دارایی هەرێمی کوردستان رایگەیاند 120 ملیار دینار لە داهاتی نانەوتی هەرێم خرایە سەر هەژماری بانکی وەزارەتی دارایی فیدراڵ.
وەزارەتەکە لە راگەیەندراوێکدا بڵاویکردووەتەوە کە ئەمڕۆ سێشەممە ( 22ی تەمووزی 2025) بەشی گەنجینەی فیدراڵی لە داهاتی نانەوتی هەرێمی کوردستان بۆ مانگی ئایاری ساڵی 2025 کە بڕەکەی 120 ملیار دینارە، بەشێوەی کاش خرایە سەر هەژماری بانکی وەزارەتی دارایی حکومەتی فیدراڵ لەلقی هەولێری بانکی ناوەندی عێراق.
ئەوە لە کاتێکدا ماوەی زیاتر لە 80 رۆژە مووچەخۆرانی هەرێمی کوردستان مووچەیان وەرنەگرتووە و بڕیارە ئەمڕۆ مووچەکەیان خەرج بکرێت.
