SNNلیستی مووچەی ئەو شوێنانە بڵاودەكاتەوە سبەی مووچە وەردەگرن

SNN-عەلی حەمە سەعید

كەمێك پێش ئێستا وەزارەتی دارایی هەرێم لەڕێگەی بانكە بازرگانییەكانەوە بڕی پارەی پێویستی بۆ مووچەی مانگی پێنجی فەرمانبەران دابینكرد و ئێوارەی ئەمڕۆ بەفەرمی لیستی مووچە بلاودەكرێتەوە و سبەی چوار شەممە دەستبەدابەشكردنی مووچە دەكرێت
بەگوێرەی ئەو زانیارییانەی كە لە بەرپرسێكی وەزارەتی دارایی هەرێم تایبەت بەSNN دراون ئەوە خراوەتەڕوو، كەمێك پێش ئێستا وەزارەتی دارایی هەرێم بانكە بازرگانییەكانی سەر بە وەزارەتی دارایی ئاگاداركردەوە كە پارەی مووچەی مانگی پێنجی فەرمانبەرانی هەرێم وەربگرن و ئەمڕۆش لیستی مووچە بڵاودەكرێتەوە.

ئاماژەی بەوەشكرد، سبەی چوارشەممە دەستبەدابەشكردنی مووچە دەكرێت و مووچەی هەریەكە لە خانەنشینانی شارستانی، خاوەن پێداویستی تایبەت، زیندانیانی سیاسی و چاودێری كۆمەڵایەتی دابەشدەكرێت.

SNNئەوەشی زانیوە كە لیستی مووچەی مانگی پێنج هاوشێوەی لیستی مووچەی مانگی چوارە و لەماوەی سێ‌ ڕۆژدا سەرجەم وەزارەتەكان مووچەی مانگی پێنج دابەشدەكرێت.