بازرگانی و پیشەسازی هەرێم: “لە%74ی هاووڵاتیانی هەرێم فۆڕمی پسوڵەی خۆراکیان پڕکردووەتەوە”
پسوڵەی خۆراک
SNN
بەڕیوەبەرایەتی بازرگانی و پیشەسازی هەرێم وتی، لە ئێستادا پێنج ملیۆن و 350 کەس بەشەخۆراکی مانگانە وەردەگرن و %74ی هاوڵاتیان فۆڕمی پسووڵەی خۆراکیان پڕکردووەتەوە و پڕۆسەکەش بەردەوامە.
ئەمڕۆ چوارشەممە 23ی تەمموزی 2025، نەوزاد شێخ کامیل، بەڕێوەبەری گشتیی بازرگانی و پیشەسازی هەرێم وتی، تاکو ئێستا هاوڵاتییان بە رێژەی %74ی فۆڕمی پسوڵەی خۆراکیان پڕکردووەتەوە و پرۆسەکەش بەردەوامە.
لە هەرێمدا نزیکەی هەشت هەزار بریکاری ئارد و خۆراک هەن و پێنج ملیۆن و 350 کەس بەشەخۆراکی مانگانە وەردەگرن، هەروەها لە قۆناغی دووەمی پرۆسەکەدا، زیادکردنی ناوی منداڵ و گواستنەوەی پسولەی خۆراک زیاد دەبێت.
