عومەر گوڵپی: پەلە بکەن لە رەوانەکردنی داهاتی نەوتی و نانەوتی

SNN

ئەندامێکی سەرکردایەتی کۆمەڵی دادگەری داوا لە حکومەتی هەرێمی کوردستان دەکات، پەلە بکات لە ڕادەستکردنی نەوت و داهاتی نانەوتی مانگی حوزەیران بۆ ئەوەی هەفتەی داهاتوو بەغدا پارەی مووچەی مانگی شەش رەوانە بکات.

ئەمڕۆ پێنجشەممە 24ی تەمموز،عومەر گوڵپی، ئەندامی سەرکردایەتی کۆمەڵی دادگەری لەدوای ئەوەی وەزارەتی دارایی هەرێم رایگەیاند پارەی مووچەی مانگی پێنج رەوانە کراوە، ئەو ئەندامەی ئەنجومەنی نوێنەرانی عێراق رایگەیاند، بە خێرایی نەوت بدرێتە سۆمۆ و بڕەکەی زیاد بکرێت، 120 دیناری داهاتی ناوخۆ بدرێت بە دارایی فیدراڵ، تا وەک چۆن ئەمڕۆ 974 ملیار دیانر بۆ مانگی پێنج هات، هەفتەی داهاتووش پارەی مانگی شەش بێت، ئەمە ڕێگە دروستەکەیە.

ئاماژەی بەوەکردووە، تا ئێستا حکومەتی هەرێمی کوردستان یەک لیتر نەوتی نەداوەتە سۆمۆ، لەگەڵ ئەوەشدا فرۆشتن بە تەنکەر و پاڵاوگە بەبێ دیاربوونی داهاتەکەی بەردەوامە.

هاوکات، بە پێی ڕێککەوتنەکەی ئەمدواییە، دەبیت هەرێمی کوردستان بەرهەمی نەوتی ڕۆژانە و مانگانەش بڕی 120 ملیار دیناری داهاتی نانەوتی ڕادەستی بەغدا بکات و لەبەرامبەریشدا مانگانە مووچەی فەرمانبەرانی هەرێمی کوردستان ڕەوانە بکرێت.