ئەو فڕۆکە روسییەی ونبووبوو بە تێکشکاوی دۆزرایەوە

SNN

میدیاکانی روسیا رایدەگەیەنن، ئەو فڕۆکە روسییەی کە بە 49 سەرنشینەوە دیار نەمابوو، بە تێکشکێنراوی دۆزرایەوە و سەرجەم سەرنشینەکانی گیانیانلەدەستداوە.

ئەمڕۆ پێنجشەممە 24ی تەمموز، دەزگاکانی ڕاگەیاندنی ڕووسیا بڵاویانکردەوە، دەسەڵاتدارانی فڕۆکەوانیی مەدەنی پەیوەندییان لەگەڵ فڕۆکەیەکی نەفەرهەڵگردا پچڕاوە، ئەمەش لە ناوچەی ئامور لە دوورترین ناوچەی ڕۆژهەڵاتی ئەو وڵاتە ڕوویداوە، دوای کاتژمێرێک فڕۆکەکە بە تێکشکاوی دۆزرایەوە و سەرجەم سەرنشینانی کە 49 کەس بوون، گیانیانلەدەستداوە.

ئاژانسی ئینتەرفاکسی ڕووسی رایگەیاندووە، فڕۆکەکە لە جۆری (AN-24) بووە و 49 کەسی هەڵگرتووە، سەرجەم سەرنشینان کە 49 کەس بوون، گیانیانلەدەستداوە.

هاوکات، تاکو ئێستا وەزارەتی گواستنەوەی ڕووسیا یان دەسەڵاتی فیدراڵیی فڕۆکەوانیی مەدەنی هیچ ڕاگەیەندراوێکی فەرمییان سەبارەت بە ڕووداوەکە دەرنەکردووە.