لیستی مووچەی مانگی حەوت ڕەوانەی بەغدا دەكرێت و بەغداش دوو مەرجی هەیە بۆناردنی پارە

SNN-عەلی حەمە سەعید
وابڕیارە لەم هەفتەیەدا لیستی مووچەی مانگی حەوت ڕەوانەی بەغدا بكرێت، هاوكات وردبینیكردن لە لیستی مووچەی مانگی شەشیش تەواو دەكرێت، بەڵام عێراق بە دوو مەرج پارە ڕەوانە دەكات.

بە گوێرەی ئەو زانیارییانەی كە لە بەرپرسێكی وەزارەتی دارایی بە SNNدراون ئەوەخراوەتەڕوو، گەنجینەكانی سەر بە وەزارەتی دارایی ئاگاداركراونەتەوە كە لەم هەفتەیەدا لیستی مووچەی مانگی حەوتی فەرمانبەرانی هەرێم تەواو بكەن بۆ ئەوەی لەڕێگەی وەزارەتی داراییەوە ئاراستەی بەغدا بكرێت.

ئاماژەی بەوەشكرد، لیستی مووچەی مانگی شەش ڕەوانە كراوە و لەئێستادا لەلایەن وەزارەتی دارایی عێراقەوە وردبینی تێدا دەكرێت و ئەویش هەر لەم هەفتەیەدا كۆتایی دێت بە وردبینیكردن، بەڵام مەرج نییە ڕاستەوخۆ لەگەڵ تەواوكردنی وردبینی پارە ڕەوانە بكرێت.

ئەو بەرپرسەی وەزارەتی دارایی عێراق ئەوەشی خستەڕوو، حكومەتی عێراقی دوو مەرجی داناوە بۆ هەرێم بۆ ناردنی پارە ئەویش ناردنی بڕی 120 ملیاری داهاتی ناوخۆیە لەگەڵ ڕاەستكردنی نەوت بە كۆمپانیای سۆمۆ، بەلام تا ئەمڕۆ هەرێم هیچ كام لەو دوو داواكارییەی جێبەجێ‌ نەكردووە.