ئەمڕۆ ئەم توێژە مووچە وەردەگرن

SNN-

وەزارەتی دارایی وئابووری هەرێم رایگەیاند، ئەمڕۆ مووچەی مامۆستا و فەرمانبەرانی گرێبەست دابەشدەکرێت.

وەزارەتی دارایی و ئابووریی حکومەتی هەرێم لە راگەیەندراوێکی بڵاویکردەوە، رۆژی دووشەممە 28ی تەمووزی 2025، مووچەی مانگی ئایاری مامۆستایانی گرێبەستی وەزارەتی پەروەردە لەسەرتاسەری هەرێمی کوردستان دابەشدەکرێت.

ئاماژەی بەوەشکردووە، هەمان رۆژ مووچەی مانگی نیسانی مامۆستایانی گرێبەستی وەزارەتی خوێندنی باڵاو توێژینەوەی زانستی دابەشدەکرێت.

بەپێی راگەیەندراوەکەی وەزارەتی دارایی، هەر ئەمڕۆ مووچەی مانگی ئایاری ساڵی 2025 و مووچەی مانگەکانی ئاب و ئەیلولی ساڵی 2024ی سەرجەم ئەو فەرمانبەرانە دابەشدەکرێت کە لەدوای 1ی تەمموزی 2024 بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون کە شایستەکانیان لەسەر داهاتی ناوخۆی هەرێمی کوردستان خەرجدەکرێت.