ئەمڕۆ دادگای فیدراڵی لەسەر پرسی پرۆژەی روناكی و مووچەی مووچەخۆرانی هەرێم كۆدەبێتەوە

SNN-

دادگای فیدراڵی عیراق بۆ بڕیاردان لەبارەی سێ سكاڵای تایبەت بەهەرێمی كوردستان دانیشتنێك ئەنجامدەدات.

بەپێی خشتەی دادبینیی دادگاكە ئەمڕۆ دووشەممە، دادگای باڵای فیدراڵی لەسەر پێنج سكاڵا كۆدەبێتەوە، كە سێ لەو سكاڵایانە تایبەتن بە هەرێمی كوردستان و لەسەر پرسەكانی مووچە و پڕۆژەی رووناكیی تایبەت بە كارەبای هەرێمی كوردستان.

سكاڵای یەكەم و دووەم لەبارەی مووچەی فەرمانبەرانی هەرێمی كوردستان  تۆماكراوە، تیایدا داوای:

1- گەرەنتیكردنی خەرجكردنی مووچەی مانگانەی فەرمانبەرانی هەرێمی كوردستان لەلایەن وەزارەتی دارایی عیراق بەبێ رەچاوكردنی كێشەكانی نێوان هەردوو حكومەتی هەرێمی كوردستان و حكومەتی فیدراڵ لەبارەی شیكردنەوەی یاسای بودجەی گشتی یان هەر هۆكارێكی تر.

2- دەركردنی فەرمان سالاریەك كە تیایدا وەزارەتی دارایی عیراق بەخەرجكردنی دەستبەجێی مووچەی فەرمانبەران، خانەنشینان، كەسوكاری شەهیدان و سوودمەندبووانی چاودێری كۆمەڵایەتی لەهەرێمی كوردستان پابەند بكات، تا یەكلاكردنەوەی ئەم سكاڵایە.

سكاڵای سێیەم  بۆ رەتكردنەوەی پڕۆژەی رووناكی و دابینكردنی كارەبای 24 کاتژمێرییە لەهەرێم.