وەزارەتی دارایی هەرێم لیستی مووچەی مانگی حەوتی رەوانەی بەغدا کرد

SNN

وەزارەتیی دارایی و ئابوری هەرێم رایگەیاند، ئەمرۆ لیستی مووچەی مانگی حەوتی مووچەخۆرانی هەرێمی کوردستانیان رادەستی وەزارەتیی دارایی و ئابوری عێراق کردووە.

ئەمڕۆ یەکشەممە 3ی ئاب، وەزارەتی دارایی و ئابوری هەرێمی کوردستان راگەیەنراوێکی بڵاوکردەوە و ئاشکرایکرد، لیستی مووچەی مانگی تەممووزی فەرمانبەران و مووچەخۆرانی هەرێمی کوردستان لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕادەستی فەرمانگەی ژمێریاری وەزارەتی دارایی حکومەتی فیدراڵ کرا.

ئەمە لە کاتێکدایە، مووچەخۆرانی هەرێم تەنها مووچەی مانگی پێنجیان وەرگرتووە و چارەنوسی مووچەی مانگی شەش و حەوت نادیارە، هاوکات بە گوێرەی میدیای عێراقییەکان، ئەمڕۆ لە ناوچەکانی عێراق دەستدەکرێت بە دابەشکردنی مووچەی مانگی هەشتی خانەنشینان و چاودێری کۆمەڵایەتییەکان.