SNN-
وەزیری کارەبای هەرێم رایگەیاند، ”ئەو وەرچەرخانەی هەرێمی کوردستانی تێدایە ھاوڵاتیانی عێراق و وڵاتانی دراوسێ و جیھانی سەرسام كردووە و زۆر لایەنی سیاسی دژایەتیی دەکەن.”
کەمال محەمەد ساڵح، وەزیری کارەبای هەرێم لە لێدوانێکیدا رایگەیاند، دابینکردنی کارەبای 24 کاتژمێری لە ھەرێمێکدا کارێکی وا ئاسان نەبوو، هاوكات زۆر لایەنی سیاسی دژایەتیی بونیادنان و پەرەپێدانی ژێرخانی وزە و سوتەمەنی لە ھەرێمی کوردستان دەکەن.”
ئاماژەی بەوەشکرد، پڕۆژەی روناکی لە سەرەتای دەستپێکردنی، ھانی ھاوڵاتیان دەدرا کرێی کارەبا نەدەن، لە کاتێکدا کرێی کارەباکانیان زۆر کەم بوەتەوە بەراورد بە پێشوو.
وەزیری کارەبا جەختیشیکردەوە، دابینکردنی کارەبای 24 کاتژمێری و ئاوی خواردنەوەی پاک بۆ ھاوڵاتیان، ئەو وەرچەرخانەیە کە ھاوڵاتیانی عێراق و وڵاتانی دراوسێ و جیھانی پێی سەرسام بون.
