پۆلیسی هەڵەبجە: دوو کەس لەسەر رووداوەکەی گەڕەکی فەرمانبەران دەستگیرکران

SNN-
بەرێوەبەرایەتی پۆلیسی هەڵەبجە دەستگیرکردنی دوو کەسی لەسەر رووداوی تەقەکردنەکەی گەڕەکی فەرمانبەران راگەیاند کە بەهۆیەوە دوو گەنج گیانیان لەدەستدا.

بەڕێوەبەرایەتی پۆلیسی پارێزگای هەڵەبجە لە راگەیەندراوێکدا بڵاویکردەوە کە بەرەبەیانی ئەمڕۆ کاتژمێر سێ ڕوداوێکی تەقەکردن لەگەڕەی فەرمانبەران بوە هۆی کوژرانی دووکەس بەناوەکانی (ب .ج .ف)تەمەن 20 ساڵ و(ش . م .ا) وەبرینداربونی کەسێکی کە بەناوی(پ. م . ت)تەمەن 31 ساڵ.

پۆلیس دەشڵێت: دووکەس بەگومانی ڕوداوەکە بەبڕیاری دادوەری لێکۆڵینەوە بەمادەی 406ی یاسای سزادانی عێراقی دەستگیرکراون و پەڕاوی لێکۆڵینەوە لەبنکەی پۆلیسی هەڵەبجە بۆڕووداوەکە ڕێکخراوە و لێکۆڵینەوەکان بەردەوامە.

بەپێی زانیارییە سەرەتاییەکان، رووداوەکە لە ئەنجامی شەڕ و دەمەقاڵێوە دروست بووە. تەرمی هەردوو قوربانییەکە ڕەوانەی پزیشکی دادی کراون و لێکۆڵینەوە لە ڕووداوەکە دەستیپێکردووە.

بەگوێرەی زانیارییەکان باری تەندروستی بریندارەکەی دیکەش ناجێگیرە و رەوانەی نەخۆشخانەی فریاکەوتنی سلێمانی کراوە بۆ وەرگرتنی چارەسەر.