تەنها لەماوی 24 كاتژمێردا پێنج گەنج بە ڕووداوی جۆراو جۆر لەهەڵەبجە گیانیان لەدەستدا
SNN-عەلی حەمە سەعید
لە کاتی كاركردن لە حەوزێكی ئاو، ئەمشەو هاووڵاتییەك لە سنوری پارێزگای هەڵەبجە بەهۆی تەزووی كارەباوە گیانی لەدەستدا ئەوەش دەبێتە پێنجەم گەنج كە لەماوی 24 كاتژمێردا لەهەڵەبجە گیان لەدەستبدات.
بەگوێرەی زانیارییەكانی SNN، ئەو هاوولاتییە گیانی لەدەستداوە ناوی (سەرتیپ مەحمود) و دانیشتووی هەڵەبجەیەو خێزاندارە.
ئەوەش لەكاتێكدایە كە دوێنێ دوو گەنج لە پۆندی پریس خنكان و هاوكات دوو گەنجی دیكەش تەقەیان لێكراو كوژران، ئەمڕۆش ئەم هاووڵاتییە بە تەزووی كارەبا گیانی لەدەستدا و لە ئێستادا تەرمەكەی لە پزیشكی دادی هەڵەبجەیە.
