رۆژنامەی ئەلسەباح: دەستپێکردنەوەی هەناردەی نەوت لە رێگای بەندەری جەیهانەوە نزیکە

SNN-

رۆژنامەی ئەلسەباح بڵاویکردەوە، “دەستپێکردنەوەی هەناردەی نەوت لە رێگای بەندەری جەیهانی تورکییەوە نزیکە و چەند وردەکارییەکی بچووکی ماوە.”

رۆژنامەکە لە زاری سەرچاوەیەکی وەزارەتی نەوت بڵاویکردووەتەوە، كاركردن بۆ پرۆسەی دەستپێكردنەوەی هەناردەكردنی نەوت لە رێگای بەندەری جەیهانی توركی تەواو نەبووە، بەڵام دانوستانەكان قۆناغی زۆر پێشكەوتوویان بڕیووە، تەنها چەند وردەکارییەکی بچووک ماون.

ئاماژەی بەوەشکرد، وەزارەتی نەوت بەرەو رێککەوتنێکی ئەرێنی دەڕوات و بەم نزیکانەش لێکتێگەیشتنە تەکنیکی و لۆجستیەكانی پەیوەست بە هەناردەکردن تەواو دەبن.

لای خۆیەوە كۆمپانیای بە بازاڕکردنی نەوتی نیشتمانی (سۆمۆ) رایگەیاندبوو، لە رووی تەکنیکی و لۆجستییەوە ئامادەیە کارەکانی هەناردەکردن دەستپێبکاتەوە لە ئەگەری رێککەوتندا.