پۆلیسی هەڵەبجە: بکوژی دوو گەنجەکەی هەڵەبجەمان دەستگیرکرد

SNN-

بەڕێوەبەرایەتی پۆلیسی پارێزگای هەڵەبجە دەستگیرکردنی بکوژی دوو گەنجەکەی هەڵەبجەی راگەیاند

بەڕێوەبەرایەتی پۆلیسی هەڵەبجە بڵاویکردووەتەوە کە تۆمەتباری ڕوداوەکەی رۆژی 5-8-2025، دەستگیرکرا کەبەهۆیەوە دووکەس کوژران و کەسێک برینداربوو

کاتژمێر 3:00ی بەرەبەیانی رۆژی 5-8-2025، کەسێک کە بە سواری ماتۆڕسکیل و کڵاوی لەسەردابوە تەقەی لە سێ گەنج کرد لەگەڕەکی فەرمانبەران کەلەئەنجامدا دوو گەنجیان گیان لەدەستدا و کەسێکی دیکەشیان برینداربوو.

پۆلیسی هەڵەبجە دەشڵێت: دەست بەجێ لێکۆڵینەوە لەڕووداوەکە دەستیپێکرد و دوای هەڵگرتنەوەی کامێرای چاودێری شوێنی ڕووداوەکە و وەرگرتنی وتەی شاهیدی ڕووداو توانرا بکوژی ڕووداوەکە دیاری بکرێت، مەفرەزەکانمان لە بەشی پۆلیسی ناوشار/ بنکەی پۆلیسی هەڵەبجە بەشی پۆلیسی نەهێشتنی تاوان بەدواداچونیان کرد بۆ دەستگیرکردنی تۆمەتبار سەرئەنجام تۆمەتبار (ش . ف .ع)موالید 2003 دانیشتوی پارێزگای هەڵەبجە خۆی ڕادەستی هێزەکانمان کردووە.

تۆمەتبار دادوەری لێکۆڵینەوە دانی بەتاوانەکەدا ناوە لەئێستادا بەبڕیاری دادوەر بەمادەی (٤۰٦)ی.س.ع ڕاگیراوە و لێکۆڵینەوەکان بەردەوامە.