ترەمپ بۆ نەتانیاهۆ:وێنەكانی برسێتی لە غەززە ساختە نین

SNN-

کەناڵی “ئێن بی سی” ئەمریكی ئەمڕۆ ئاشکرایکرد ترەمپ سەرزەنشتی نەتانیاهۆی کردووە، دوای ئەوەی نەتانیاهۆ هەوڵیداوە ترەمپ قەناعەت پێبکات کە برسێتیەکەی غەززە درۆیە.

سەرچاوەیەک لە زاری بەرپرسێکی ئەمریکییەوە بڵاویکردەوەتەوە: نەتانیاهۆ بە نهێنی داوای پەیوەندی تەلەفۆنی لەگەڵ ترەمپ کردووە، ئەوەش دوای ئەوەی ترەمپ رایگەیاند برسێتییەکی راستەقینە لە غەززە هەیە، لەو پەیوەندییەدا نەتانیاهۆ بە ترەمپی وتووە، برسێتی لە غەززە راستەقینە نییە و لەلایەن حەماسەوە دروستكراوە.

بەڵام ترەمپ قسەکانی بە نەتانیاهۆ بڕیوەو دەستیکردووە بە هاوارکردن و وتویەتی: نایەوێت ببیستێت کە برسێتی لە غەززە ساختەیە، جەختیشیکردەوە، هاوكارەكانی بەڵگەیان نیشانداوە کە منداڵانی غەززە لە برسا دەمرن.

لەلایەكی ترەوە، نوسینگەی بنیامین نەتانیاهۆ، سەرۆکوەزیرانی ئیسرائیل رایگەیاند: ئەمڕۆ کابینەی ئەمنی ئیسرائیل پلانی کۆنترۆڵکردنی غەززەی پەسەند کرد و سوپای ئیسرائیل خۆی بۆ کۆنترۆڵکردنی شاری غەززە ئامادە دەکات.

پلانەكەی ئیسرائیل قۆناغ بە قۆناغ دەبێت تا داگیركردنی تەواوەتی غەززەو دانیشتوانەكەشی بۆ باشور دەگوازرێنەوە.