SNN-عەلی حەمەسەعید
سەرۆكی یەكێتی مامۆستایانی كوردستان هۆشداری دەدات لە خراپتربوونی دۆخی پەروەردە و فێركردن لە ساڵی نوێی خوێندن، جەخت دەكاتەوە ئەگەر بابەتی مووچە چارەسەر نەكرێت ئەمساڵ نەك تەنها لە سلێمانی بەڵكوو بایكۆت سەرتاسەری دەبێت.
عەبدولواحید محەمەد، سەرۆكی یەكێتی مامۆستایانی كوردستان بە SNNی راگەیاند، لەگەڵ نزیك بوونەوە لەدەستپێكردنی ساڵی نوێی خوێندن، هێشتا نەتواندراوە گرفتەكانی مووچە چارەسەر بكرێن بەڵكوو كێشەكان قوڵتر بوونەتەوە، هاوكات كێشەی كەمی میلاك و خانەنیشن بوونی هەزاران مامۆستا و پڕنەكردنەوەی شوێنەكانیان یەكێكی دیكەیە لە گرفتەكانی پرۆسەی خوێندن.
ئاماژەی بەوەشكرد، یەوەی زیاتر پرۆسەی پەروەردە ڕووبەڕووی قەیران دەكاتەوە گرفتی دابەشنەكردنی مووچەیە، چونكە هیچ عەقڵێك ئەوە قەبوڵ ناكا تكە سێ مانگ مووچەت وەرنەگرتبێت و بڕۆیت دەوام بكەیت، بۆیە پێشبینی دەكەین ئەمساڵیش پرۆسەی پەروەردە شكست بهینێت ئەگەر فریای نەكەون.
سەرۆكی یەكێتی مامۆستایانی كوردستان ئەوەشی خستەڕوو، ئەگەر ئەم دۆخە بەم جۆرەی ئێستا بەردەوامی هەبێت، ئەوا لەگەڵ دەستپێكردنی پرۆسەی خوێندن ئەوا بایكۆت نەك تەنها لە سلێمانی، بەڵكوو لەسەرتاسەری هەرێم بایكۆت فراوانتر دەبێت.
