شەفەق نیوز: شاندێکی هەرێمی کوردستان بۆ گفتوگۆكردن لەبارەی میکانیزمی خەرجکردنی مووچە لە بەغدان

SNN-

سەرچاوەیەکی ئاگادار لە حکومەتی هەرێمی کوردستان رایگەیاندووە، درەنگانێكی شەوی رابردوو، شاندێكی حکومەتی هەرێم گەیشتوونەتە بەغدا بۆ گفتوگۆکردن لەسەر پرسی مووچەی فەرمانبەرانی هەرێمی کوردستان بۆ مانگی حوزەیران.

سەرچاوەكە، كە بۆ ئاژانسی “شەفەق نیوز” قسەیكردووە: شاندەکە پێکهاتون لە ئومێد سەباح، سەرۆکی دیوانی ئەنجومەنی وەزیران و ئامانج رەحیم، سکرتێری ئەنجومەن، لەگەڵ هەشت بەڕێوەبەری گشتی.

بڕیارە ئەمڕۆ سێشەممە، شاندەكە دەست بە کۆبونەوە لەگەڵ لایەنە پەیوەندیدارەکانی عێراق بکەن، بۆ تاوتوێکردنی میکانیزمی خەرجکردنی مووچە و هەماهەنگیکردنی رێکارە داراییەکان.