کەشناسی: خۆڵبارین دەستپێدەکاتەوە و پلەکانی گەرما نزم دەبنەوە

SNN

کەشناسی هەرێم ڕایگەیاند، ئەمڕۆ ئاسمان ساماڵ دەبێت، سبەینێ چوارشەممە، پلەکانی گەرما نزمبوونەوەی زیاتر بەخۆیانەوە دەبینن، لە چەند ناوچەیەکی هەرێم ئەگەری خۆڵبارین هەیە.

بەپێی ڕاپۆرتی کەشناسی هەرێم، ئەمڕۆ سێشەممە، ئاسمان ساماڵ دەبێت، پلەکانی گەرما نزیک دەبنەوە لە تۆمارکراوەکانی دوێنێ.

باسی لەوەشکرد، سبەینێ چوارشەممە، ئاسمان ساماڵ و پەڵەهەور دەبێت لەگەڵ ئەگەرى بەرزبوونەوەى تۆز بەتایبەت لە ناوچەکانى ناوەڕاست و باشوورى هەرێم.

دەشڵێت: پلەکانی گەرما نزم دەبێتەوە بە یەک بۆ دوو بەراورد بە تۆمارەکانی ئەمڕۆ.

بەرزترینی پلەکانی گەرمای ئەمڕۆی شارەکانی هەرێم:

هەولێر: 40 پلەی سیلیزی

سلێمانی: 41 پلەی سیلیزی

دهۆک: 41 پلەی سیلیزی

کەرکوک: 42 پلەی سیلیزی

زاخۆ: 42 پلەی سیلیزی

هەڵەبجە: 41 پلەی سیلیزی

سۆران: 40 پلەی سیلیزی

حاجی ئۆمەران: 34 پلەی سیلیزی

گەرمیان: 43 پلەی سیلیزی