ئەڵمانیا داوا لە هاووڵاتییانی دەکات ئێران بەجێبهێڵن و سەردانی نەکەن
بورجى مه‌یدانى ئازادى له تارانى پایته‌ختى ئێران | فۆتۆ: Wikipedia
SNN
ئەڵمانیا داوا لە هاووڵاتییانی دەکات ئێران بەجێبهێڵن و سەردانی بۆ نەکەن، لەترسی ئەوەی نەوەک بەهۆی دووبارە سەپاندنەوەی سزاکان بەسەر ئێراندا.
حکوومەتی ئەڵمانیا داوای لە هاووڵاتیانی کرد، ئێران جێبهێڵن و گەشتی ئەو وڵاتە نەکەن بۆ ئەوەی دووربن لە هەر تۆڵەسەندنەوەیەک لەلایەن تارانەوە، ئەمەش بەهۆی ڕۆڵی ئەڵمانیا لە پشتیوانیی کردنی دووبارە سەپاندنی سزاکان بەسەر ئێراندا.
دوێنێ پێنجشەممە، بەریتانیا و فەڕەنسا و ئەڵمانیا پڕۆسەیەکی 30 ڕۆژەیان دەستپێکرد بۆ دووبارە سەپاندنی سزاکانی نەتەوە یەکگرتووەکان بەسەر ئێراندا، ئەمەش هەنگاوێکە ئەگەری هەیە گرژییەکان زیاتر بکات دوای دوو مانگ لە هێرشەکانی ئیسرائیل و ئەمریکا بۆ سەر ئێران.
